En Mada Producións levamos vinte anos facendo da programación e da produción cultural a columna vertebral do noso traballo. Tanto nos proxectos de deseño propio, como naqueles que requiren da nosa experiencia en produción, cremos nas redes para facelos realidade. Ciclos musicais, festivais e encontros, eventos e actividades didácticas. Todos os proxectos necesitan profesionais cómplices e en Mada sabemos que esa é a chave.
Os nosos servizos no ámbito cultural son amplos: produción, contratación, xestión de espazos, comunicación e accesibilidade. Distintos formatos, diferentes escenarios, públicos diversos, e unha fórmula: profesionalidade e ilusión a partes iguais. Cada proxecto é un mundo: que todos teñan un impacto positivo na comunidade, é o noso reto.
SOMOS:
Inés Portela, xestora cultural e profesional da produción con 20 anos de experiencia traballando en diversos proxectos de todas as disciplinas artísticas.
Rubén Capelán, xestor cultural especializado en accesibilidade e comunicación cultural. Leva 15 anos vencellado á música e ao asociacionismo.
Tamén "son Mada" todas as profesionais e empresas de servizos (son, iluminación, montaxe,...) coas que traballamos en cada proxecto e que son Imprescindibles.